Երևանում բացվել է «Ինտեր» երկրպագուների պաշտոնական ակումբը
15:45, 2 Փետրվար 2017
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Իտալական «Ինտեր» Ֆուտբոլային ակումբը պաշտոնական ֆան-ակումբ ունի Հայաստանում:
«Արմենպրես»-ի փոխանցմամբ` այս մասին գրում է Inter.it պաշտոնական կայքը: Իտալական ակումբի պաշտոնական կայքը փաստում է, որ «Ներաձուրին ընտանիքը մեծանում է, և հերթական ակումբը բացվել է Հայաստանում»:
Ակումբի նախագահ Էդգար Պետրոսյանի խոսքով՝ ակումբի անդամները մեծացել են «Ինտեր»-ի լեգենդար ֆուտբոլիստների խաղին հետևելով:
«Ինտեր»-ը իտալական ամենատիտղոսակիր ֆուտբոլային ակումբներից մեկն է, որը ներկայացնում է Միլան քաղաքը և հանդես է գալիս Սերիա Ա-ում։ «Ինտերի» մարզաբազան գտնվում է Լոմբարդոյում։ Թիմի ստեղծման օր է համարվում 1908 թվականի մարտի 9-ը։
Բաժանորդագրվեք մեր ալիքին Telegram-ում