Մոուրինյոն դժգոհ է «Հալ Սիթի»-ի դեմ խաղից
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Անգլիական «Մանչեսթեր Յունայթեդ»-ի մարզիչ Ժոզե Մոուրինյոն խոսել է Պրեմիեր լիգայի 23-րդ տուրի «Հալ Սիթի»-ի դեմ խաղի մասին:
«Չես կարող հաղթել, եթե գոլ չես խփում: Մրցակցի դարպասապահը լավ հանդես եկավ: Նրանք հասկացել էին մեր բացթողումները: «Հալ Սիթի»-ն մրցում է Պրեմիեր լիգայում իր տեղը պահելու համար, և ցանկացած միավոր կարևոր է նրանց համար»,-«Արմենպրես»-ի փոխանցմամբ` ասել է Մոուրինյոն:
Անգլիայի ֆուտբոլի առաջնության 23-րդ տուրի «Մանչեսթեր Յունայթեդ»-«Հալ Սիթի» հանդիպումն ավարտվեց առանց դարպասի գրավման: Երկու թիմերը հանդիպման 90 րոպեների ընթացքում մի շարք հնարավորություններ ունեին գրավելու մրցակցի դարպասը, սակայն ապարդյուն: Հայաստանի ազգային թիմի անդամ Հենրիխ Մխիթարյանը մեկնարկային կազմում էր, բայց փոխարինվեց 62-րդ րոպեին՝ իր տեղը զիջելով Խուան Մատային:
Բաժանորդագրվեք մեր ալիքին Telegram-ում