Թեհրանում բռնկված հրդեհի հետևանքով տուժած հայեր չկան. ԱԳՆ խոսնակ
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Թեհրանի բարձրահարկ շենքերից մեկում բռնկված հրդեհի հետևանքով տուժածների շարքում հայեր չկան: Ինչպես հաղորդում է «Արմենպրես»-ը, այս մասին թվիթերյան իր միկրոբլոգում գրառում է կատարել ՀՀ արտաքին գործերի նախարարության մամուլի խոսնակ Տիգրան Բալայանը:
«Ըստ նախնական տվյալների՝ Թեհրանի բարձրահարկ շենքերից մեկում բռնկված հրդեհի հետևանքով տուժածների թվում հայեր չկան»,- հայտնել է նա:
Թեհրանում առնվազն 30 հրշեջ է զոհվել բարձրահարկ շենքում հունվարի 19-ին բռնկված հրդեհի հետևանքով, որն ավելի ուշ փլվել է: Բռնկումը տեղի է ունեցել 17-հարկանի «Պլասկո» առևտրական համալիրում, որը 50 տարի առաջ կառուցվել է Իրանի մայրաքաղաքի կենտրոնի Ջոմհուրի փողոցում: Կրակը բռնկվել է 9-րդ հարկում և արագորեն ընդգրկել համալիրի ամբողջ վերին մասը, ինչի հետևանքով շինությունը փլվել է:
Բաժանորդագրվեք մեր ալիքին Telegram-ում