Ռուսաստանը ԵԱՀԿ տարածքում ճգնաժամերի հաղթահարման գործում կարևոր դեր կարող է ունենալ. Կուրց
15:46, 18 Հունվար 2017
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ռուսաստանը կարող է վճռորոշ դերակատարում ունենալ ԵԱՀԿ տարածքում ճգնաժամերի հաղթահարման գործում: Ինչպես հաղորդում է «Արմենպրես»-ը` վկայակոչելով «ՌԻԱ Նովոստի»-ն, այս մասին Sputnik-ին տված հարցազրույցում ասել է Ավստրիայի արտաքին գործերի նախարար, ԵԱՀԿ գործող նախագահ Սեբաստիան Կուրցը:
«Ռուսաստանը կարող է վճռորոշ դեր խաղալ գոյություն ունեցող ճգնաժամերի խաղաղ լուծման նպատակով կառուցողական երկխոսությանն աջակցման գործում»,- ասել է Կուրցը:
Ավստրիայի արտգործնախարարը հունվարի 18-ին ժամանել է Մոսկվա, որտեղ ՌԴ արտգործնախարար Սերգեյ Լավրովի հետ, ի թիվս այլ հարցերի, քննարկելու է նաև ղարաբաղյան հիմնահարցը:
Բաժանորդագրվեք մեր ալիքին Telegram-ում