Ստամբուլի գիշերային ակումբի ահաբեկչությունը հետախուզական կազմակերպության ձեռքի գործն է. Թուրքիայի փոխվարչապետ
16:34, 16 Հունվար 2017
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Ստամբուլի «Ռեյնա» գիշերային ակումբում Նոր տարվա գիշերը իրականացված ահաբեկչության մեջ ներգրավված է եղել հետախուզական կազմակերպություն: Ինչպես հաղորդում է «Արմենպրես»-ը, այս մասին թուրքական «A Haber» լրատվամիջոցին տված հարցազրույցում հայտնել է Թուրքիայի փոխվարչապետ Նուման Քուրթուլմուշը:
««Ռեյնա»-ի հարձակումը վերին աստիճանի ծրագրավորված գործողություն էր, որին ներգրավված է եղել նաև հետախուզական կազմակերպություն»,- ասել է Քուրթուլմուշը` նշելով, որ հետաքննությունը կպարզի հարձակման մանրամասները:
2017 թվականի տարեմուտի գիշերը գիշերային ակումբում իրականացված հարձակմանը զոհվել էր 39 մարդ: Կատարվածի պատասխանատվությունը ստանձնել էր «Իսլամական պետություն» ահաբեկչական խմբավորումը:
Բաժանորդագրվեք մեր ալիքին Telegram-ում