Հայկական կողմից ինքնաշեն պայթուցիկ սարք կիրառելու մասին ադրբեջանական հաղորդագրությունը ծիծաղելի է. Արծրուն Հովհաննիսյան
19:47, 13 Հունվար 2017
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: ՀՀ պաշտպանության նախարարության մամուլի խոսնակ Արծրուն Հովհաննիսյանը հերքում է Ադրբեջանի պաշտպանության նախարարության տարածած տեղեկատվությունը, թե հայկական զինված ուժերը Թովուզի հատվածում առաջնագծին մոտ անօդաչու թռչող սարքի միջոցով ինքնաշեն պայթուցիկ սարք են կիրառել: «Դա ծիծաղելի է, ուրիշ ոչինչ»,- «Արմենպրես»-ի հետ զրույցում ասաց Հովհաննիսյանը:
Ադրբեջանի պաշտպանության նախարարությունը տեղեկություն է տարածել, թե իբրև հայկական զինված ուժերը Թովուզի հատվածում առաջնագծին մոտ անօդաչու թռչող սարքի օգնությամբ ինքնաշեն պայթուցիկ սարք են կիրառել:
Բաժանորդագրվեք մեր ալիքին Telegram-ում