ԱՄՆ-ում առաջին անգամ ոսկեդրամ են հատել աֆրոամերիկուհու կիսադեմով
14:51, 13 Հունվար 2017
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի ոսկեդրամի վրա առաջին անգամ հայտնվել Է աֆրոամերիկուհու դիմանկար՝ Ազատության արձանի կերպարով: Այդ մասին, ինչպես տեղեկացնում Է «Արմենպրես»-ը, հայտնել Է երկրի գանձապետարանը:
ԱՄՆ-ի դրամահատարանը եւ գանձապետարանը հունվարի 12-ին կայացած մամուլի ասուլիսում ներկայացրել են աֆրոամերիկուհու պատկերով ոսկեդրամը, որը նվիրված Է Ամերիկայում մետաղադրամների հատման 225-ամյակին:
Ի տարբերություն նախորդ դասական դիզայնի, նոր մետաղադրամը պատկերում Է Ազատության արձանը թխամորթ կնոջ կերպարով՝ աստղերով թագը գլխին: Դիմանկարից ձախ գրված Է ԱՄՆ-ի դրամահատարանի հիմնադրման տարեթիվը՝ «1792», վերեւում՝ (Liberty) «ազատություն» բառը, աջից՝ «2017» եւ ներքեւում՝ «մենք հավատում ենք Աստծուն»(In God We Trust): Մետաղադրամի դարձերեսին դրվագված Է թռչող արծիվ:
Ինչպես նշված Է գանձապետարանի մամուլի տեղեկագրում, դա առաջին մետաղադրամն Է նմանների շարքում, որտեղ Ազատության արձանը պատկերված կլինի ասիացի, լատինամերիկացի կնոջ եւ հնդկացի ամերիկուհու տեսքով, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում