Հայաստանում սկսվել են ռուսական ռազմակայանի ռադիոէլեկտրոնային պայքարի ուժերի դաշտային հավաքները
13:24, 13 Հունվար 2017
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Հայաստանի ռուսական ռազմակայանում սկսվել են ռադիոէլեկտրոնային պայքարի ստորաբաժանման դաշտային հավաքները «Կամխուտ» բարձրլեռնային զորավարժարանում՝ ծովի մակերեւույթից ավելի քան 1,5 հազար մետր բաձրության վրա բարդ կլիմայական պայմաններում:
Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, պարապմունքերի ընթացքում զինծառայողները կծավալեն «Ինֆաունա» ռադիոէլեկտրոնային պայքարի արդի համալիրները եւ Ռ-330 ԲՄՎ խանգարումների նորագույն կայանները եւ դրանց վրա կկատարեն հատուկ նորմատիվներ: Ռադիոհետախուզության եւ ռադիոճնշման ռեժիմներով նրանք կհայտնաբերեն կարեւորագույն թիրախները եւ ռադիոէլեկտրոնային պայքարի օբյեկտները:
Նշվում է, որ դաշտային գործնական պարապմունքները կտեւեն երկու շաբաթ:
Բաժանորդագրվեք մեր ալիքին Telegram-ում