Ժամանակը Երևանում՝ 11:07:36,   23 Հոկտեմբեր

Մանկական բեսթսելեր 4/12. «Հեքիաթներ արքայադուստրերի մասին» գիրքն ամենավաճառվածն է


ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծն ամփոփում է նախորդ տարվա դեկտեմբերի ցուցանիշները: Վարկանիշային աղյուսակի առաջին հորիզոնականում «Հեքիաթներ արքայադուստրերի մասին» գիրքն է: «Արքայադուստր Լինդան», «Կեռնեխ թագավորը» և «Ոսկեծամիկը» հեքիաթները դաստիարակչական են, անչափ հուզիչ և գեղեցիկ: Այս բոլոր հեքիաթները մեկտեղված են վերոնշյալ գրքում:

 «Հեքիաթներ տղաների համար» գրքույկն այս անգամ մեկ հորիզոնականով բարձրացել է և երկրորդն է: «Ագահ Մեդոկը», «Ֆինվարայի կախարդական գավաթը» և «Հավեյն ասպետի պսակադրությունը» տղաներին կսովորեցնեն լինել քաջ, բարի, մեծահոգի և հնարամիտ:

Մանկական բեսթսելերի երրորդ հորիզոնականում Հանս Քրիստիան Անդերսենի «Հեքիաթներ» -ն են, որոնք քաջ հայտնի են բոլոր փոքրիկներին ոչ միայն գրքի, այլև մուլտֆիլմերի ու գեղարվեստական լիամետրաժ ֆիլմերի տեսքով, քանի որ դրանց զգալի մասն էկրանավորվել է:

«Արև, արև, եկ, եկ» մանկական բանաստեղծությունների ժողովածուն զիջել է դիրքերը և չորրորդն է: Գրքում զետեղված են տարբեր սերնդի հայ մանկագիրների ստեղծագործություններ:

Ջ. Ռոուլինգի ողջ աշխարհում մեծ աղմուկ բարձրացրած «Հարի Փոթերը և Փիլիսոփայական քարը» ստեղծագործությունը հինգերորդ տեղում է: Տասնմեկամյա Հարի Փոթերը որբ է և ապրում է մորաքրոջ ընտանիքի հետ: Նա չի էլ կասկածում, որ ինքը իսկական հրաշագործ է: Մի օր մի բու է գալիս և մի նամակ է բերում Հարիի համար, որը փոխում է նրա կյանքը մեկընդմիշտ:

«Երեք պատմվածք Շերլոք Հոլմսի արկածներից» գիրքը վեցերորդ հորիզոնականում է: Գրքում ներկայացված են Արթուր Կոնան Դոյլի՝ շատերի կողմից սիրված հերոս Շերլոկ Հոլմսի զանազան արկածները:

Յոթերորդ տեղում «Դինոզավր Դեյզիի հակադրությունները» խաղ գիրքն է, որը երեխաները շատ են սիրում:

Ալեքսանդր Պուշկինի «Հեքիաթ ձկնորսի և ձկան մասին» վերնագրով հեքիաթների ժողովածուն բարելավել է իր դիրքերը` հայտնվելով ութերորդ հորիզոնականում: Այն ընդգրկում է նաև «Քնած գեղեցկուհու և յոթ քաջերի հեքիաթը»:

Ամենավաճառվածների ցանկի իններորդ հորիզոնականում «Կախարդական զամբյուղը» գիրքն է, որում ներառված են աշխարհի ժողովուրդների լավագույն հեքիաթները, որոնք ոչ միայն կօգնեն ներթափանցել կախարդական աշխարհ, այլև դառնալ գրքի հերոսը:

Ղազարոս Աղայանի «Անահիտ» հեքիաթը եզրափակում է մեր ցանկը: Այն Վաչագանի և Անահիտի սիրո, խիզախության, աշխատասիրության, նվիրվածության մասին է: Հեքիաթի մոտիվներով նաև մուլտֆիլմ է նկարահանվել:

Վարկանիշային ցուցակի կազմման հարցումներին մասնակցել են «Բուկինիստ» (53-74-13), «Նարեկ» (51-91-36), «Զանգակ» (23-26-49) գրախանութները,  7-րդ տաղավար-գրախանութը (077-24-54-81): Հարցման ժամանակ հաշվի չեն առնվել դասագրքերը:

Տեղ Գիրք Հրատ. Քանակ
1 «Հեքիաթներ արքայադուստրերի մասին» Բուկինիստ 65
2 «Հեքիաթներ տղաների համար» Բուկինիստ 63
3

Հանս Քրիստիան Անդերսեն

«Հեքիաթներ»

Արևիկ 62
4 «Արև, արև, եկ, եկ» Էդիթ պրինտ 60
5

Ջ. Ռոուլինգ

«Հարի Փոթերը և Փիլիսոփայական քարը»

Զանգակ 58
6

«Երեք պատմվածք

Շերլոք Հոլմսի արկածներից»

Անդրանիկ 30
7 «Դինոզավր Դեյզիի հակադրությունները» Արևիկ 27
8

Ալեքսանդր Պուշկին

«Հեքիաթ ձկնորսի և ձկան մասին»

Բուկինիստ 25
9 «Կախարդական զամբյուղը» Արևիկ 25
10

Ղազարոս Աղայան

«Անահիտ»

Արևիկ 25

«Մանկական բեսթսելերը» ներկայացրեց Անժելա Համբարձումյանը



Այս թեմայով

... վերջին լուր "Մանկական բեսթսելլեր" թեմայով
Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ