Տոներին համայնքային թանգարանները շատ այցելուներ են ունեցել տարբեր երկրներից
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Ամանորի և Սուրբ ծննդյան տոներին համայնքային թանգարաններն ունեցել են շուրջ 300 այցելու, որոնց գերակշիռ մասը եղել են զբոսաշրջիկներ Ռուսաստանից, Չինաստանից, ինչպես նաև ԵՄ և ԱՊՀ երկրներից: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, «Նոր տարին Երևանում-2017» միջոցառումների ծրագրի շրջանակում այս տարի առաջին անգամ Երևանի քաղաքապետարանի ենթակայության թանգարաններից Երևան քաղաքի պատմության, «Էրեբունի» պատմահնագիտական և Ժամանակակից արվեստի թանգարանները հունվարի 2-5-ը բաց են եղել մայրաքաղաք այցելած հյուրերի և տոնը Երևանում նշող համաքաղաքացիների համար: Աշխատակազմի տուրիզմի բաժնից տեղեկացնում են, որ նշված օրերին նշված ժամանակահատվածում համայնքային թանգարանները հյուրընկալել են նաև սահմանամերձ գյուղերի դպրոցականների:
Բաժանորդագրվեք մեր ալիքին Telegram-ում