Փարիզում հարձակում է իրականացվել Թուրքիայի դեսպանատան վրա
18:27, 4 Նոյեմբեր 2016
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Մի խումբ անձինք մոլոտովի կոկտեյլ են նետել Փարիզում Թուրքիայի դեսպանատան վրա: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Հարձակման հետևանքով որևէ մարդ չի տուժել, վնասվել է դեսպանատան շենքը:
Թուրքիայի դեսպանությունից դիմել են Ֆրանսիայի համապատասխան մարմիններին` պահանջելով հայտնաբերել և պատասխանատվության ենթարկել հարձակման մեղավորներին: Ոստիկանությունն անվտանգության խստացված միջոցներ է ձեռնարկել դեսպանատան շրջակայքում:
Բաժանորդագրվեք մեր ալիքին Telegram-ում