Քիմ Քարդաշյանը Փարիզում կողոպուտի ենթարկվելուց հետո առաջին անգամ երեւացել Է հանրությանը
17:38, 26 Հոկտեմբեր 2016
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկացի հեռուստաաստղ Քիմ Քարդաշյանը, որը լույս հոկտեմբերի 3-ի գիշերը կողոպուտի զոհ Էր դարձել Փարիզի հյուրանոցներից մեկում, առաջին անգամ հանրությանն Է երեւացել պատահածից հետո: Ֆոտոմոդելի լուսանկարները հրապարակել Է TMZ պորտալը:
Նշվում Է, որ Քարդաշյանը Լոս Անջելեսում հանրության առջեւ Է հայտնվել ռեալիթի շոու աստղ Ջոնաթան Չեբանի հետ: Ընկերները գնացել են սրճարան՝ պաղպաղակ ուտելու: Մակիաժի նկատմամբ իր հակումով հայտնի Քարդաշյանն օգտագործել Էր միայն շուրթերի փայլ:
Տեղի ունեցած կողոպուտից հետո Քարդաշյանը ժամանակավորապես հրաժարվել Է սոցցանցերից օգտվելուց: Աստղը նաեւ չԷր այցելում աշխարհիկ միջոցառումներին:
Բաժանորդագրվեք մեր ալիքին Telegram-ում