Եվրախորհրդարանը կոչ է արել Իրանին օգտագործել իր ազդեցությունը Սիրիայի իշխանությունների վրա
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Եվրոպական խորհրդարանը կոչ է արել Իրանին օգտագործել իր ազդեցությունը Սիրիայի իշխանությունների վրա հակամարտության խաղաղ կարգավորմանը նպաստելու համար: «Արմենպրես»-ի հաղորդմամբ՝ ինչպես տեղեկացնում է Ռիա Նովոստին, Եվրախորհրդարանը իր զեկույցում նշել է, որ Սիրիայի նախագահ Բաշար Ասադի իշխանությունն ավելի ու ավելի է կախված Իրանից սեփական գոյությունն ապահովելու համար:
Զեկույցում Եվրախորհրդարանը ողջունել է Իրանի մասնակցությունը Սիրիայի հակամարտության կարգավորման բանակցություններում միջազգային աջակցության խմբի շրջանակում, սակայն ափսոսանք է հայտնել, որ Իրանի ներդրումը չի հանգեցրել իրավիճակի լավացմանը:
Եվրախորհրդարանը կոչ է արել նաև ԵՄ-ին՝ Ռուսաստանի և ԱՄՆ-ի հետ միասին նպաստել Իրանի և Սաուդյան Արաբիայի հարաբերությունների կարգավորմանը:
Բաժանորդագրվեք մեր ալիքին Telegram-ում