Թրամփի շտաբն ամենօրյա լրատվական ծրագիր Է գործարկում Facebook Live-ի միջոցով
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Հանրապետական կուսակցությունից ԱՄՆ-ի նախագահի թեկնածու Դոնալդ Թրամփի ընտրական շտաբն ամենօրյա լրատվական ծրագիր Է գործարկում՝ նվիրված Սպիտակ տան համար պայքարում միլիարդատիրոջ ընտրարշավի վերջին իրադարձություններին: Հաղորդումը ցուցադրվելու Է ամեն օր Facebook Live պլատֆորմի միջոցով: Այդ մասին, ինչպես տեղեկացնում Է «Արմենպրես»-ը, հայտնել են թեկնածուի շտաբում:
Կեսժամանոց հաղորդումն ամեն երեկո Նյու Յորքում հանրապետականի ընտրարշավի կենտրոնակայանից հեռարձակվելու Է ընդհուպ մինչեւ նոյեմբերի 8-ի համընդհանուր ընտրությունների օրը: Լրատվական շոուն վարելու են Թրամփի խորհրդականները՝ Բորիս Էփշթեյնը եւ Քլիֆ Սիմսը:
Թրամփը քանիցս ամերիկյան ավանդական ԶԼՄ-ներին մեղադրել Է իր նկատմամբ կողմնակալության մեջ՝ պնդելով, որ նրանք աշխատում են միայն ի շահ իր մրցակցուհու՝ դեմոկրատների թեկնածու Հիլարի Քլինթոնի, հաղորդել Է ՏԱՍՍ-ը:
Լուսանկարը`AFP
Բաժանորդագրվեք մեր ալիքին Telegram-ում