Չինաստանում ավարտել են անապատով ձգվող աշխարհում ամենաերկար ավտոմայրուղու շինարարությունը
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Չինաստանում ավարտվել Է անապատով ձգվող աշխարհում ամենաերկար ավտոմայրուղու շինարարությունը: Այդ մասին, ինչպես տեղեկացնում Է «Արմենպրես»-ը, հայտնել Է ՉԺՀ-ի Կենտրոնական հեռուստատեսությունը:
930 կիլոմետր ընդհանուր երկարությամբ մայրուղին միացնում Է Լինհե եւ Բայգեդա բնակավայրերը Չինաստանի հյուսիսի Ներքին Մոնղոլիայի ինքնավար շրջանում: Ինչպես նշում Է հեռուստաալիքը, ավտոմայրուղին աշխարհի ռեկորդակիր Է դարձել անապատի տարածքում երկարության ցուցանիշով: Նախագծում ներդրումների ընդհանուր ծավալը կազմել Է մոտավորապես 37 մլրդ յուան (5,55 մլրդ դոլար):
Ինչպես նշվում Է Ներքին Մոնղոլիայի կառավարության կայքում, մայրուղու շինարարությանը, որն սկսվել Է 2015 թվականի ապրիլին, գործի Էին դրվել 30 հազարից ավելի բանվորներ:
Լինհե-Բայգեդա հատվածը 2540 կիլոմետր երկարությամբ պետական նշանակության Պեկին-Ուրումչի արագընթաց ավտոմայրուղու բաղկացուցիչ մասն Է: Ճանապարհը կարեւոր նշանակություն ունի Չինաստանի արեւմտյան շրջանների զարգացման ռազմավարության մեջ, հաղորդել Է ՌԻԱ Նովոստի գործակալությունը:
Բաժանորդագրվեք մեր ալիքին Telegram-ում