Կանադայում ավարտել են աշխարհում ամենաբարձր փայտե շենքի կառուցումը
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Կանադայի Վանկուվեր քաղաքում ավարտվել Է այն շենքի կառուցումը, որը դարձել Է աշխարհում ամենաբարձր փայտե շինությունը:
Շենքը կանգնեցվել Է Բրիտանական Կոլումբիայի համալսարանի տարածքում, այն հանրակացարան կծառայի 401 ուսանողների համար, հաղորդում Է «Արմենպրես»-ը՝ հղում անելով ZME Science-ին:
Նոր 18-հարկանի հանրակացարանում կան 272 ստուդիաներ եւ 33 բնակարաններ՝ չորս ննջարաններով: Բացի այդ, դրանում ստեղծվել են հասարակական տարածություններ, որտեղ սովորողները կարող են հանգստանալ եւ շփվել: Փայտե շինությունում բնակարանի վարձակալությունը կարժենա ճիշտ այնքան, որքան համալսարանի սովորական հանրակացարաններում, ճշտում Է ZME Science-ը:
«Այս նախագիծը կոչված Է ցույց տալու, որ փայտե մեծ կառույցները կարող են կառուցվել ամենուրեք»,- մեջբերում Է անում պորտալը շենքի գլխավոր ճարտարապետ Ռասել Ակտոնի խոսքից:
Բաժանորդագրվեք մեր ալիքին Telegram-ում