ԵԱՀԿ ԱԳ նախարարների ոչ պաշտոնական գագաթնաժողովում կքննարկվի նաև ԼՂ հարցը
17:04, 31 Օգոստոս 2016
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: ԵԱՀԿ արտաքին գործերի նախարարաների ոչ պաշտոնական գագաթնաժողովի օրակարգային հիմնական հարցերի թվում է նաև Լեռնային Ղարաբաղի հակամարտության կարգավորման հարցը:
Այս մասին, ինչպես հաղորդում է «Արմենպրես»-ը` վկայակոչելով «ՌԻԱ Նովոստի»-ն, հայտարարել է Գերմանիայի Դաշնային Հանրապետության արտաքին գործերի նախարար Ֆրանկ-Վալտեր Շտայնմայերը: Հանդիպումը տեղի կունենա սեպտեմբերի 1-ին Պոտսդամում:
«Ճգնաժամերով ընգրկված ներկայիս աշխարհում ԵԱՀԿ դերը, հավանաբար, ավելի կարեւոր է, քան երբեւէ, մասնավորապես ինչ վերաբերվում է Ուկրաինայի արեւելքում, Մերձդնեստրում, Լեռնային Ղարաբաղում եւ Եվրոպայում այլ հակամարտություններում»,- Շտայնմայերի հայտարարությունը մեջբերել է Գերմանիայի ԱԳՆ մամուլի ծառայությունը:
Շտայնմայերի խոսքով` գերմանական պատվիրակությունը ծրագրում է Պոտսդամում քննարկման առարկա է դարձնելու նաև մի շարք այլ կարևոր թեմաները, մասնավորապես միջազգային ահաբեկչության եւ փախստականների հարցերը:
Բաժանորդագրվեք մեր ալիքին Telegram-ում