Omega-ն ներկայացրել Է իր պատմության մեջ առաջին արեւապաշտպան ակնոցների հավաքածուն
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Շվեյցարական Omega ընկերությունը ներկայացրել Է իր պատմության մեջ առաջին արեւապաշտպան ակնոցների հավաքածուն: Այդ մասին, ինչպես տեղեկացնում Է «Արմենպրես»-ը, հայտնել Է Luxurylaunches-ը:
Դիզայներների համար ոգեշնչման աղբյուր են ծառայել ժամացույցների ուղենիշային մոդելները, որոնք ընկերությունը թողարկել Է մի քանի տարի շարունակ: Ակնոցների շրջանակները մետաղից են, որոնք կայուն են քերծվածքների նկատմամբ:
Բրենդի ներկայացուցիչները դեբյուտային հավաքածուի թողարկումն ազդարարել են 2016 թվականի հուլիսի սկզբին: «Դա կարեւորագույն փուլ Է Omega մակնիշի զարգացման մեջ, որը կկարողանա իր ստեղծագործական ներուժն օգտագործել նոր բնագավառներում»,- այն ժամանակ ասել Է ընկերության նախագահ Ռեյնալդ Էշլիմանը:
Ժամացույցների Omega շվեյցարական ընկերությունը հիմնադրվել Է Լուի Բրանդտի կողմից 1848 թվականին Լա Շո դե Ֆոնում: 1965 թվականին Omega Speedmaster ժամացույցը NASA-ի կողմից ընտրվել Է «Ապոլլոն» ծրագրի համար. 1969 թվականին ամերիկացի աստղանավորդ Բազ Օլդրինի ձեռքին եղել Է Լուսնի վրա, իսկ խորհրդային տիեզերագնաց Ալեքսեյ Լեոնովն այն կրել Է ուղեծրում 1975 թվականին «Սոյուզ» եւ «Ապոլոն» տիեզերանավերի կցման ժամանակ:
Բաժանորդագրվեք մեր ալիքին Telegram-ում