Գյուղնախարարությունն առաջիկա օրերի տեղումներով պայմանավորված նախազգուշացրել է հողօգտագործողներին
12:21, 29 Օգոստոս 2016
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: ՀՀ գյուղատնտեսության նախարարությունը նախազգուշացրել է հողօգտագործողներին ձեռնարկել համապատասխան միջոցները հացահատիկային մշակաբույսերի բերքի կորուստներից խուսափելու համար: Այս մասին «Արմենպրես»-ին տեղեկացրին ՀՀ գյուղատնտեսության նախարարության հասարակայնության հետ կապերի բաժնից:
Գյուղնախարարության հայտարարության մեջ ասվում է. «Համաձայն ՀՀ ԱԻՆ հիդրոմետ ծառայության տեղեկատվության` հանրապետությունում առաջիկա օրերին սպասվում են տեղումներ: ՀՀ գյուղատնտեսության նախարարությունը խորհուրդ է տալիս հողօգտագործողներին հացահատիկային մշակաբույսերի բերքի կորուստներից խուսափելու համար ձեռնարկել հնարավոր բոլոր միջոցներն արագացնելու բերքահավաքի աշխատանքները»:
Բաժանորդագրվեք մեր ալիքին Telegram-ում