ԵՄ-ն Վրաստանի համար անայցագիր ռեժիմ կսահմանի 2017 թվականի հունվարի 1-ից. ԶԼՄ-ներ
16:07, 23 Օգոստոս 2016
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Եվրամիությունը 2017 թվականի հունվարի 1-ից անայցագիր ռեժիմ կսահմանի Վրաստանի քաղաքացիների համար: Այդ մասին, ինչպես տեղեկացնում Է «Արմենպրես»-ը, «Ազատություն ռադիոյի» թղթակից Ռիկարդ Յոզվակը հայտնել Է իր Twitter-ում:
Վրաստանում հույս ունեին, որ ԵՄ-ն անայցագիր ռեժիմ կսահմանի արդեն ամռանը, սակայն հունիսի սկզբին հարցի քննարկումը հետաձգեցին: Այդ որոշմանը խոչընդոտեցին Գերմանիան, Ֆրանսիան եւ Իտալիան:
«ԵՄ-ի պատգամավորները Վրաստանի եւ Ուկրաինայի համար անայցագիր ռեժիմ սահմանելու վերաբերյալ Եվրախորհրդարանի եւ Եվրոպական խորհրդի վերջնական որոշմանն սպասում են հոկտեմբերին, իսկ անայցագիր ռեժիմի սահմանմանը՝ 2017 թվականի հունվարի 1-ից»,-գրել Է Յոզվակը:
Բաժանորդագրվեք մեր ալիքին Telegram-ում