Ոստիկանությունը տեսանյութ է հրապարակել՝ զինված խմբի անդամների նկարներով ու անուններով, հարձակման մանրամասներով
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: ՀՀ ոստիկանությունը տեսանյութ է հրապարակել, որում ներկայացված են հուլիսի 17-ի առավոտյան մի խումբ զինված անձանց կողմից ՀՀ ոստիկանության պարեկապահակային ծառայության գնդի տարածք մուտք գործելուց հետո փողոցի երկայնքով զինյալների արձակած կրակոցների կադրերը:
«Արմենպրես»-ի հաղորդմամբ՝ տեսանյութը մանրամասն ներկայացնում է հարձակումից հետո գնդի տարածքում ստեղծված իրավիճակը, զինված խմբի անդամներին, նրանց կենսագրության վերաբերյալ տվյալներ, հետագա օրերին Խորենացու փողոցում ստեղծված լարված իրավիճակը, իրավապահների հետ տեղի ունեցած միջադեպերը:
Տեսանյութում զինված խմբի բոլոր անդամների անուններն են ու լուսանկարները:
Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահել այնտեղ գտնվող անձանց: Հարձակման հետևանքով զոհվել է ոստիկանության գնդապետ ԱրթուրՎանոյանը: Մի քանի ոստիկան վիրավորվել է: Զինված խմբի անդամները մեկ շաբաթվա ընթացքում աստիճանաբար ազատ են արձակել պատանդներին: Վերջին չորս պատանդ ոստիկանները, այդ թվում՝ՀՀ ոստիկանության պետի տեղակալ Վարդան Եղիազարյանը և Երևանի փոխոստիկանապետ Վալերի Օսիպյանը ազատ են արձակվել հուլիսի 23-ին:
Բաժանորդագրվեք մեր ալիքին Telegram-ում