Լավրովը Թուրքիայի հետ սիրիական հարցում ավելի քիչ տարաձայնություններ ունենալու հույս ունի
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը կարծում է, որ Թուրքիայի հետ հարաբերությունների կարգավորումը թույլ կտա նվազեցնել Սիրիայի հարցում ունեցած անհամաձայնությունների թիվը: Ինչպես հաղորդում է «Արմենպրես»-ը` վկայակոչելով ՏԱՍՍ-ը, այս մասին Ռուսաստանի արտաքին գործերի նախարար Սերգեյ Լավրովը հայտարարել է Բաքվում լրագրողների հետ հանդիպման ժամանակ:
«Թուրքիայի հետ հարաբերությունների կարգավորումն Էրդողանի` նախագահ Վլադիմիր Պուտինի անունով հղած հայտնի նամակից, նրանց միջև հեռախոսազրույցից հետո, ինչին հաջորդեց արդեն Սոչիում արտգործնախարարների մակարդակով զրույցը, դրականորեն կանդրադառնա տարածաշրջանում ընդհանուր իրադրության վրա, և ես հուսով եմ, որ այդ ամենը մեզ կօգնի առավել արդյունավետ փնտրել համատեղ մոտեցումներ սիրիական ճգնաժամի հաղթահարման հարցում, որտեղ Ռուսաստանի Դաշնության և Թուրքիայի դիրքորոշումները չեն համընկնում»,- ասել է Լավրովը:
Նա նշել է, որ Թուրքիայի արտգործնախարար Մևլութ Չավուշօղլուի հետ հանդիպումից հետո հույս ունի, որ այսուհետ կողմերն ավելի քիչ տարաձայնություններ կունենան:
Բաժանորդագրվեք մեր ալիքին Telegram-ում