Ժամանակը Երևանում՝ 11:07:36,   24 Նոյեմբեր

Անթիլիասի կաթողիկոսարանում Հայոց ցեղասպանության 101-րդ տարելիցին նվիրված դասախոսություն է անցկացվել

Անթիլիասի կաթողիկոսարանում Հայոց ցեղասպանության 101-րդ տարելիցին նվիրված 
դասախոսություն է անցկացվել

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Մեծի Տանն Կիլիկիո Կաթողիկոսության «Կիլիկիա» թանգարանում Հայոց ցեղասպանության 101-րդ տարելիցի միջոցառումների շրջանակներում անցկացվել է դասախոսություն, որին ներկա է եղել նաև Ն.Ս.Օ.Տ.Տ. Արամ Ա Վեհափառ Հայրապետը: Ինչպես «Արմենպրես»-ին տեղեկացրին Անթիլիասի կաթողիկոսության լրատվական ծառայությունից, դասախոսությամբ հանդես են եկել Լիբանանի համալսարանի միջազգային հարաբերությունների ֆակուլտետի դասախոս, ՄԱԿ-ի ակադեմիայի անդամ Լեյլա Նիքոլա Ռահպանին, թուրքագետ, Լիբանանի համալսարանի թուրքերենի և պատմության դասախոս, Լիբանանի խորհրդարանի արտաքին հարցերի հանձնաժողովի խորհրդական Մոհհամեդ Նուրետտինը:

Լեյլա Նիքոլա Ռահպանին անդրադարձել է Միջին Արևելքի երկրներում վերջին տասնամյակների քաղաքական վայրիվերումներին՝ կենտրոնանալով 2011թ. բռնկված «Արաբական գարնան» շարժառիթների և հետևանքների վրա: Այս համատեքստում Ռահպանին հանգամանալից ներկայացրել է տարածաշրջանի քաղաքական ու աշխարհաքաղաքական իրավիճակին, ծրագրված գաղտնի կամ բացահայտ պատկերացումներին ու ծրագրերին:

Մոհամմեդ Նուրետտին անդրադարձել է Թուրքիայի քաղաքական դաշտում տիրող իրավիճակին, նախագահ Ռեջեփ Թայիփ Էրդողանի միապետական քաղաքականությանը: Նա ընդգծել է, որ այս ընթացքում Թուրքիայում հետզհետե ավելանում են ազգայնական տրամադրությունները, ինչի հետևանքով անտեսվում են Թուրքիայի ազգային փոքրամասնությունների՝ հայերի, հույների և այլոց իրավունքները: Նա անդրադարձ է կատարել նաև Թուրքիայի կողմից հայկական հարցի ուրացման քաղաքականությանը, միմյանց հաջորդող թուրքական վարչակարգերի հակահայ և հակահունական քաղաքականությանը:

Դասախոսության ավարտին բանախոսների և մասնակիցների միջև տեղի է ունեցել օգտակար քննարկում: 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ