Կառավարությունը նախատեսում է 2016-ին ինտերնետից օգտվողների թիվն ավելացնել հինգ տոկոսով
10:56, 19 Հունվար 2016
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: ՀՀ կառավարությունը նախատեսում է 2016 թվականին ընդլայնել հեռահաղորդակցության ոլորտում ծառայությունների աշխարհագրությունը և նորագույն տեխնոլոգիաների կիրառմամբ առաջարկվող ծառայությունների բազմազանության և միջազգային չափանիշներին համապատասխան ապահովել բարձր որակ: Մասնավորապես, նախատեսվում է ՀՀ տարածքում համացանցի օգտագործման հնարավորությունից օգտվողների մակարդակի աճ՝ առնվազն 5 տոկոսով: Ինչպես հաղորդում է «Արմենպրես»-ը, աշխատանքների իրականացումն ընդգրկված է ՀՀ կառավարության գերակա ծրագրերի թվում:
ՀՀ-ում 2015 թվականի մարտի տվյալներով՝ ինտերնետ կապից (այդ թվում՝ անլար 3G և GPRS) օգտվողների թիվը հասել է շուրջ 67 տոկոսի, այսինքն՝ ընդհանուր տվյալներով կան 2 միլիոն օգտագործողներ:
Բաժանորդագրվեք մեր ալիքին Telegram-ում