Մոսկվայում կանխարգելիչ ստուգումների ընթացքում մոտ 500 ներգաղթյալ է ձերբակալվել
20:21, 21 Հոկտեմբեր 2015
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: «Ներգաղթյալ-2015» ստուգումների ընթացքում Մոսկվայի քաղաքային ոստիկանությունը ձերբակալել է մերձավոր արտասահմանի երկրներից ժամանած մոտ 500 աշխատողի: «Արմենպրես»-ի հաղորդմամբ` ձերբակալվածներն Ռուսաստանի Դաշնությունան տարածքում օրինական գտնվելու հարցի ստուգումների համար ուղարկվել են Ռուսաստանի ոստիկանության տարբեր բաժիններ:
Ձերբակալությունները կատարվել են Զարեչնոյե փողոցում, որտեղ կառուցվում է բնակելի համալիր: ՏԱՍՍ-ի տեղեկացմամբ` Ստուգումներն անցկացվել են հենց կառուցվող համալիրի տարածքում, քանի որ այնտեղ ապրել և աշխատել են Տաջիկստանի 2 քաղաքացի, ովքեր կասկածվում են մայրաքաղաքում մի շարք կանանց վրա հարձակումների մեջ:
Լուսանկարը` ТАСС
Բաժանորդագրվեք մեր ալիքին Telegram-ում