Բանակում նշանակումների առումով կոռուպցիոն ռիսկերը վերացված են. ՀՀ պաշտպանության նախարար
21:04, 18 Սեպտեմբեր 2015
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ պաշտպանության նախարարին կից ստեղծվել է Բարեվարքության ամրապնդման և կոռուպցիայի դեմ պայքարի խորհուրդ: Ինչպես հաղորդում է «Արմենպրես»-ը, այս մասին Առաջնորդության դպրոցի ուսանողների հետ հանդիպման ժամանակ նշեց ՀՀ պաշտպանության նախարար Սեյրան Օհանյանը: Խոսելով զորահավաքի մասին` նախարարը շեշտեց, որ վերջին շրջանում նշանակալի բարեփոխումներ են տեղի ունեցել այս ոլորտում: «Հայ զինվորը առևտրի առարկա չէ: Բանակը պետք է օրինակելի լինի մեր հասարակության համար, մենք մեր ժողովրդին խաբելու ոչինչ չունենք»,- նշեց Օհանյանը:
Պաշտպանության նախարարի խոսքով` բանակում նշանակումների առումով կոռուպցիոն ռիսկերը վերացված են, բաց և թափանցիկ մրցույթներ են անցկացվում նաև գնումների գործընթացում:
Բաժանորդագրվեք մեր ալիքին Telegram-ում