ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հոլիվուդյան ռեժիսոր Բրայան Սինգերը մտադիր Է Էկրանավորել Ժյուլ Վեռնի «20 հազար լյո ջրի տակ» գիտաֆանտաստիկ վեպը: Ինչպես տեղեկացնում Է «Արմենպրես»-ը, այդ մասին նա գրել Է իր Instagram-ում: Բեմադրողն ինքն Է գրել ապագա ֆիլմի սցենարը:

«Դա պատմություն Է, որը ես մանկուց Էի ցանկանում վերապատմել: Ես խոստանում եմ, որ այն Էպիկական ու հուզական արկած կլինի բոլոր տարիքների մարդկանց համար»,-հայտնել Է Սինգերը:

Ռեժիսորը նշել Է, որ ֆիլմը կարող Է նվեր դառնալ իր 50-ամյակի առթիվ (2016 թվականի սեպտեմբերի 17): Նա հավելել Է, որ դրա հետ մեկտեղ չի պատրաստվում թողնել «Իքս մարդիկ» ֆրանշիզան:

Բրայան Սինգերը գլխավորապես հայտնի Է գերհերոսների կինոյում կատարած աշխատանքով. նա նկարահանել Է «Գերմարդու վերադարձը», ինչպես նաեւ երեք ֆիլմ՝ «Իքս մարդիկ» կինոսերիայից: Հերթի Է դրված «Իքս մարդիկ. Ապոկալիպսիս» ժապավենը, որն Էկրան կբարձրանա 2016 թվականին: 

Ժյուլ Վեռնի «20 հազար լյո ջրի տակ» վեպը լույս Է տեսել 1869 թվականին: Դրա ամենահայտնի Էկրանավորումը համարվում Է 1954 թվականի ֆիլմը, որը թողարկել Է Disney ստուդիան: Կինոնկարում Նեդ Լենդի դերը խաղացել Է Քիրք Դուգլասը: Խորհրդային հանդիսատեսներին ավելի շատ հայտնի Է Վասիլի Լեւինի «Կապիտան Նեմո» մինի-սերիալը, որն Էկրան Է բարձրացել 1975 թվականին:

Լուսանկարը` Reuters