Արթուր Ալեքսանյանը եզրափակչում է. Միհրան Հարությունյանը և Արսեն Ջուլֆալակյանը կպայքարեն բրոնզի համար
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Հունահռոմեական ոճի ըմբշամարտի աշխարհի գործող չեմպիոն Արթուր Ալեքսանյանը կպայքարի չեմպիոնի տիտղոսի պահպանության համար:
Հայաստանի ներկայացուցիչ 66 կգ Միհրան Հարությունյանը կիսաեզրափակիչում 4-0 հաշվով հաղթում էր կորեացի Ռյուին: Մրցավարը 2 անգամ, իբր գլխով խփելու համար 2-ական միավոր տվեց մրցակցին և կորեացին հաղթեց 4-4 հաշվով: Միհրանը նվաճեց օլիմպիական ուղեգիր և կպայքարի բրոնզե մեդալի համար:
Աշխարհի գործող չեմպիոն Արթուր Ալեքսանյանը պարզապես անկասելի է: Կրկին 3րոպե 58 վայրկյանոմ 9-0 հաշվով հաղթելով ռումինացի Ալեքսուս Սիուրային մտավ եզրափակիչ:
Հունահռոմեական ոճի ըմբիշ, աշխարհի գործող չեմպիոն Արսեն Ջուլֆալակյանը կպայքարի աշխարհի առաջնության բրոնզե մեդալի համար:
Աշխարհի առաջնությունն անցկացվում է ԱՄՆ-ի Լաս Վեգաս քաղաքում: նախաօլիմպիական այս տարում աշխարհի այս առաջնություն վարկանիշային է և այստեղ կխաղարկվեն 16 օլիմպիական ուղեգրեր:
Բաժանորդագրվեք մեր ալիքին Telegram-ում