Ռուսական ստորաբաժանման ավելի քան 150 զինծառայողներ վարժանքներ են սկսել Հայաստանում
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Ճառագայթումային, քիմիական եւ կենսաբանական պաշտպանության (ՃՔԿՊ) ռուսական ստորաբաժանման ավելի քան 150 զինծառայողներ վարժանքներ են սկսել Հայաստանում, որոնք կտեւեն մեկ ամիս: Այդ մասին «Արմենպրես»-ին հայտնել են ՌԴ Հարավային ռազմական օկրուգի մամուլի ծառայությունից: Զինծառայողները վարժանքների ընթացքում կուսումնասիրեն ճառագայթումային, քիմիական եւ կենսաբանական պաշտպանության զորքերի սպառազինության եւ ռազմական տեխնիկայի նոր նմուշների մարտավարական-տենիկական բնութագրերը, կիրառման կարգը եւ հակառակորդի խոցման ուժը:
«Ինքնուրույն պատրաստման ընթացքում զինծառայողները կյուրացնեն մասնագիտական, մարտավարական, կրակային, բժշկական եւ ֆիզիկական պատրաստության նորմատիվները: Ստորաբաժանումների կազմում մասնագետները կառաջանցնեն աերոզոլային ծխավարագույրներ եւ կյուրացնեն վարակման գոտուց դուրս եկած զորքերի վարակազերծման հարցերը, կմշակեն նրանց ցուցակային զենքը, ռազմական տեխնիկան, համազգեստը եւ հանդերձանքը»,- ասված Է հաղորդագրության մեջ:
Բաժանորդագրվեք մեր ալիքին Telegram-ում