Ժամանակը Երևանում՝ 11:07:36,   20 Հոկտեմբեր

Դանիայում հայտարարվել են «Եվրատեսիլ-2014»-ի հաղորդավարների անունները


ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Դանիայում հայտարարվել են «Եվրատեսիլ-2014»-ի հաղորդավարների անունները, որը մայիսի 6-10-ը կանցկացվի Կոպենհագենում: Նրանք են՝ դաշնակահար եւ երաժշտական լրագրող Նիկոլայ Կոպելը, դերասան Պիլու Ասբեկը եւ հեռուստահաղորդավար Լիզե Ռեննեն, տեղեկացնում Է «Արմենպրես»-ը՝ հղում անելով ԻՏԱՌ-ՏԱՍՍ-ին: 

Դանիայում շոու բիզնեսի այս հանրահայտ ներկայացուցիչների անունները, որոնք պետք Է վարեն երգի եվրոպական մրցույթի երկու կիսաեզրափակիչները եւ մեծ եզրափակիչը, հայտարարվել են Դանիայի հեռուստատեսության կազմակերպած մամուլի ասուլիսում:

«Եվրատեսիլ-2014»-ն այս տարի կանցկացվի Կոպենհագենում, քանի որ Շվեդիայի Մալմյո քաղաքում տեղի ունեցած նախորդ մրցույթում հաղթել Էր դանիացի երգչուհի Էմմելի դե Ֆորեստը՝ «Միայն արցունքներ» երգով:

Դանիան «Եվրատեսիլը» կընդունի արդեն երրորդ անգամ: Մրցույթը կանցկացվի Կոպենհագենի "B&W" համալիրում:

Ընդամենը «Եվրատեսիլ-2014»-ին կմասնակցի 37 երկիր:




Այս թեմայով

... վերջին լուր "«Եվրատեսիլ 2015»" թեմայով
Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ