«Շարակ» ջազ-խումբը համերգով հանդես կգա «Մեցցո» երաժշտական ակումբում
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Ջազ ոճում ստեղծագործող «Շարակ» խումբը փետրվարի 9-ին համերգով հանդես կգա «Մեցցո» երաժշտական ակումբում: Ինչպես «Արմենպրես»-ը տեղեկացավ ակումբից` համերգը կլինի կենդանի կատարմամբ:
«Շարակ»-ի կազմում հանդես են գալիս Արմեն Հյուսնունցը (սաքսաֆոն), Կարեն Մամիկոնյանը (դաշնամուր), Գագիկ Խոդավիրդիմը (կիթառ), Հակոբ Օրդակյանը (հարվածային գործիքներ) և Էդգար Սահակյանը (բաս կիթառ):
«Շարակ»-ը նվագում է ջազ-ֆյուժն ոճում (երաժշտական այս ժանրը միավորում է ջազի և այլ ոճի երաժշտություն` սովորաբար փոփ, ռոք, ֆոլք, ռեգգի, ֆանկ, մետալ, հիփ-հոփ, էլեկտրոնային և էթնիկ երաժշտության տարրեր): Այն միավորել է երաժիշտներին 2010 թվականից սկսած` ջազի սիրահարներին հնարավորություն ընձեռելով բարձրաճաշակ երաժշտություն ունկնդրել Երևանի ջազային տարբեր ակումբներում:
Բաժանորդագրվեք մեր ալիքին Telegram-ում