Փարիզում դպրոցականները փողոց են դուրս եկել արտաքսված հայ աշակերտի իրավունքները պաշտպանելու համար
ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիական իշխանությունները Հայաստան են արտաքսել 19-ամյա հայ աշակերտ Խաչիկ Խաչատրյանին, իսկ նրա ընտանիքը դեռ Ֆրանասիայում է: Պատանին տնային կալանքի է հանձնվել իր հայրենի գյուղում` զինվորական ծառայությունից խուսափելու համար: «Արմենպրես»-ի փոխանցմամբ` FRANCE 24 հեռուստաընկերությանն է հայտնել «Կրթության առանց սահմանների» ցանցը:
Խաչատրյանների ընտանիքը Ֆրանիսա էր տեղափոխվել 2011 թվականին: Քաղաքական ապաստանի համար նրանց դիմումները մերժվել էին 2012 թվականի մարտին: Որոշումը բավարարվել է 2013 թվականի հունվարին, երբ ընտանիքը ներկայացրել է բողոք-դիմում:
Սա արդեն երկրորդ դեպքն է, երբ ֆրանսիական իշխանություններն արտաքսում են այլազգի դպրոցականի, ինչը վրդովվեցրել է երկրի բնակիչներին և աշխակերտներին: Հոկտեմբերի 9-ին արտաքսվել էր գնչուհի Լեոնարդա Դիբրանին, ում ընտանիքը հիմա բնակվում է Կոսովոյում:
Մայրաքաղաք Փարիզում և Ֆրանսիայի այլ քաղաքներում հազարավոր դպրոցականներ հոկտեմբերի 17-ին բողոքի ցույցեր են արել հայազգի Խաչիկ Խաչատրյանին և 15-ամյա Լեոնարդա Դիբրանիին երկրից արտաքսելու դեմ: Ցուցարարները արգելափակել են դպրոցների մուտքերը:
Իրենց զայրույթն արտահայտելու համար փողոցներ դուրս եկած դպրոցականներին են միացել հարյուրավոր մեծահասակներ և ուսանողներ: Պատանիների մի փոքր խումբ թմբկահարել է, իսկ ամբոխը վանկարկել է «Ազատ արձակեք Խաչիկին»` պահանջելով Ֆրանսիայի ներքին գործերի նախարար Մանուել Վալսի հրաժարականը:
«Մենք այստեղ ենք նախևառաջ Խաչիկի և Լեոնարդայի համար», -նշել է ավագ դպրոցի շրջանավարտ Լաուրե Անդերսոնը:- Բայց և այստեղ ենք կառավարության ձախ ուժերի հանդեպ մեր հիասթափությունն արտահայտելու համար, որոնք պետք է գործեն (իրական) ձախ ուժերի նկատմամբ»:
«Ես ցնցված եմ նրանով, որ մենք արտաքսում ենք աշակերտների: Յուրաքանչյուր երեխա կրթության իրավունք ունի` անկախ ազգությունից, կրոնից կամ ծագումից: Առանց բացառության: Դա անընդունելի է»,- նշել է փարիզյան դպրոցներից մեկի պատմության և աշխարհագրության դասատուն:
Բաժանորդագրվեք մեր ալիքին Telegram-ում