ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի Մ.Հերացու անվան պետական բժշկական համալսարանի գիտական աշխատանքների գծով պրոռեկտոր Միքայել Զաքարի Նարիմանյանը դեկտեմբերի 17-ին ընտրվել է ԵՊԲՀ ռեկտորի պաշտոնում: Այս մասին «Արմենպրես»-ին տեղեկացրին ԵՊԲՀ-ից: Հոկտեմբերի 29-ին ՀՀ կրթության եւ գիտության նախարարությունը հայտարարել էր բաց մրցույթ՝ «Երեւանի Մխիթար Հերացու անվան պետական բժշկական համալսարան» պետական ոչ առեւտրային կազմակերպության ռեկտորի թափուր պաշտոնը զբաղեցնելու համար:

Մրցույթի մասնակցության համար պաշտոնական հայտ էր ներկայացրել մեկ թեկնածու՝ բժշկական գիտությունների դոկտոր, պրոֆեսոր, Միքայել Նարիմանյանը, ով նոյեմբերի 5-ից բուհի ռեկտորի ժամանակավոր պաշտոնակատարն էր:

Նարիմանյանը 2006 թվականից առ այսօր «Ընտանեկան բժշկության ակադեմիական միավորում» կազմակերպության համանախագահն է: 2008 թվականից մինչ օրս «Հայ թերապեւտների ասոցիացիա» կազմակերպության նախագահն է։