Սարկոզին սպառնացել է Հոլոքոստի ժխտումը քրեականացնող օրենքը դարձնել Սահմանադրական խորհրդի քննարկման առարկա
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ֆրանսիայում Հայոց ցեղասպանության ժխտումը քրեականացնող օրինագծի՝ հակասահմանադրական ճանաչվելու դեպքում Սահմանադրական խորհուրդ կարող է ուղարկվել նաև Հոլոքոստի ժխտումը քրեականացնող օրինագիծը: Ինչպես հաղորդում է «Արմենպրես»-ը՝ վկայակոչելով ֆրանսիական Le Monde-ը, այս մասին հունվարի 31-ին մի շարք ֆրանսիացի պատգամավորների հետ հանդիպման ժամանակ հայտարարել է Ֆրանսիայի նախագահ Նիկոլա Սարկոզին:
Հանդիպման ընթացքում Ֆրանսիայի նախագահը դժգոհություն է հայտնել հայկական օրինագիծը Սահմանադրական խորհրդի քննարկման օրակարգում ներառելու առնչությամբ:
Հունվարի 31-ին ձախ ծայրահեղական սենատորների նախաձեռնությամբ Հայոց ցեղասպանության ժխտումը քրեականացնող օրինագիծը ներառվել է Ֆրանսիայի Սահմանադրական խորհրդի օրակարգում:
Ֆրանսիայի Սենատը պատգամավոր Վալերի Բուայեի հեղնակած օրինագիծն ընդունել է հունվարի 23-ին: Այն նախատեսում է մեկ տարվա ազատազրկում եւ 45 հազար եվրոյի տուգանք այն անձանց համար, ովքեր կհերքեն Հայոց ցեղասպանությունը:
Բաժանորդագրվեք մեր ալիքին Telegram-ում