Լոս Անջելեսում կայացել է հավատարմագրված օտարերկրյա ներկայացուցչությունների ամենամյա հավաքը
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Լոս Անջելեսում ՀՀ գլխավոր հյուպատոսարանում կազմակերպված օտարերկրյա դիվանագետների ամենամյա հավաքին այս տարի մասնակցել են մոտ հինգ տասնյակ երկիր ներկայացնող դիվանագետներ: Ինչպես «Արմենպրես»-ին տեղեկացրին ՀՀ ԱԳՆ մամուլի տեղեկատվության վարչությունից, հանդիպմանը քննարկվել են առաջիկա անելիքները, գործակցության հնարավոր եզրերն ու ընդհանուր գործողություները` կապված Լոս Անջելեսում ապրող բազմազգ բնակիչների մշակութային երկխոսության զարգացումը խթանող ծրագրերի հետ:
Հյուպատոսական հերթական հավաքի պատվավոր հյուրը Միացյալ Նահանգների նավատորմի նախկին հրամանատար Փոլ Իգնատիուսն էր, ով օտարերկրյա դիվանագետների հետ խոսել է աշխարհաքաղաքական նախկին և ներկա իրողություններին առնչվող թեմաներից:
Դիվանագիտական համայնքի մասնակիցները ողջունել են Լոս Անջելեսում դիվանագիտական աշխատանքի անցած նոր գործընկերներին, ովքեր հավատարմագրվել են Լոս Անջելեսի հյուպատոսական կորպուսում:
Բաժանորդագրվեք մեր ալիքին Telegram-ում