Սարկոզին թույլ չի տա ոտնահարել Հայոց ցեղասպանության զոհերի հիշատակը
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Ֆրանսիայի նախագահը թույլ չի տա ոտնատակ անել Հայոց ցեղասպանության զոհերի հիշատակը: Ինչպես փոխանցում է «Արմենպրես»-ը՝ վկայակոչելով Nouvelles d’Armenie-ն, նման պատասխան է ստացել Ֆրանսիայի Հայ դատի հանձնախմբի անդամներից մեկը, ով պաշտոնական նամակ է հղել Ելիսեյան պալատ՝ խնդրելով դյուրացնել Ցեղասպանությունների ժխտումը քրեականացնող օրինագծի վավերացումը նախագահի կողմից:
«Ֆրանսիայի նախագահը վճռական է Հայոց ցեղասպանության զոհերի հիշատակը ժխտողականության ոտնահարումից պաշտպանելու հարցում»,- նշվում է Ելիսեյան պալատից ուղարկված պաշտոնական պատասխանի մեջ:
Նամակում նաև շեշտվում է Ֆրանսիայի նախագահի հանձնառությունը հայ-ֆրանսիական կապերի զարգացման հարցում, որոնք ավելի են ամրապնդվում Հայոց ցեղասպանության զոհերի ժառանգների անգնահատելի ներդրմամբ Ֆրանսիայի զարգացման գործում:
Բաժանորդագրվեք մեր ալիքին Telegram-ում