Դիարբեքիրի փողոցներից մեկը վերանվանվել է գրող Մկրտիչ Մարկոսյանի անունով
16:48, 22 Դեկտեմբեր 2009
ԴԻԱՐԲԵՔԻՐ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի քարդաբնակ տարածաշրջանի կենտրոն Դիարբեքիրի (Տիգրանակերտ) Սուր գավառի երեք փողոցներ տեղական ինքնակառավարման մարմնի խորհրդի 2009 թ-ի դեկտեմբերի 9-ի որոշմամբ անվանափոխվել են: Թուրքական «Հուրիեթի» տեղեկացմամբ, Հասըրլը թաղամասի Դիրեքչի փողոցը վերանվանվել է հայ գրող Մկրտիչ Մարկոսյանի անվամբ, Զիյա Գյոքալփ թաղամասի Փուշուջու 1 փողոցը` ասորի գրող Նաում Ֆաիք Փալաքի, իսկ Ֆաթիհ թաղամասի Յաղջի փողոցը` թուրք բանաստեղծ Ահմեդ Արիֆի անունով: Սուրի քաղաքապետ Աբդուլա Դեմիրթաշը հիշյալ փողոցների անվանափոխությունների հետ կապված հայտարարել է, որ «իրենք հարգում եւ տեր են կանգնում Դիարբեքիրի մտավորական անհատականություններին»:
Բաժանորդագրվեք մեր ալիքին Telegram-ում