Երևանում՝ 11:07,   27 Մայիս 2024

Երևանի կոնյակի գործարանը սկսել է խաղողի գնման պայմանագրերի ստորագրման գործընթացը

Երևանի կոնյակի գործարանը սկսել է խաղողի գնման պայմանագրերի 
ստորագրման գործընթացը

ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ։ Հավատարիմ մնալով խաղողագործների հետ չընդհատվող երկխոսության իր սկզբունքին՝ Երևանի կոնյակի գործարանը սկսել է խաղողի գնման պայմանագրերի ստորագրման գործընթացը և այս տարի կգնի շուրջ 36 000 տոննա խաղող` յուրաքանչյուր 1 կգ-ի դիմաց վճարելով 140 ՀՀ դրամ։ Այս տարի գնվող խաղողի քանակն ավելի քան 20%-ով գերազանցում է նախորդ տարվա ցուցանիշը։

«Արմենպրես»-ին այս մասին հայտնեցին Երևանի կոնյակի գործարանից։

Կախված եղանակային պայմաններից, խաղողի հասունության տեխնիկական պարամետրերից՝ խաղողի գնման մեկնարկի ամսաթիվը կհայտարարվի լրացուցիչ: Հետևելով իր քաղաքականությանը՝ Երևանի կոնյակի գործարանը խաղողի գնման գործընթացը կկազմակերպի բացարձակապես թափանցիկ և համաձայն կանոնակարգված ժամանակացույցի՝ խաղողագործների համար ստեղծելով մատակարարման հնարավորինս հարմարավետ պայմաններ: 

Մատակարարված խաղողի դիմաց վճարումները կիրականացվեն խաղողն ընդունելուց հետո 3-4 աշխատանքային օրվա ընթացքում՝ գումարը ընկերության կողմից խաղողագործների համար հատուկ բացված բանկային հաշվին փոխանցման եղանակով:  

 

 

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am