Ադրբեջանը սովն օգտագործում է որպես Լեռնային Ղարաբաղի ժողովրդի դեմ քաղաքական գործիք. Էդմոն Մարուքյան
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ։ Հայաստանի հատուկ հանձնարարություններով դեսպան Էդմոն Մարուքյանը անդրադարձել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբայովի՝ ֆրանսիական Le Monde թերթին տված հարցազրույցին, որտեղ ադրբեջանցի պաշտոնյան անկեղծորեն խոստովանել է, որ Ադրբեջանը փակել է Լաչինի միջանցքը և սովի զենքը օգտագործում է որպես քաղաքական գործիք Լեռնային Ղարաբաղի ժողովրդի դեմ։
Այս մասին Մարուքյանը գրառում է կատարել X-ի (նախկինում՝ Twitter) իր միկրոբլոգում։
«Մենք վերահաստատում ենք մեր պահանջն Ադրբեջանին՝ դադարեցնել սովը որպես քաղաքական գործիք օգտագործել Լեռնային Ղարաբաղի ժողովրդի դեմ՝ ստիպելու համար ընդունել իր պայմանները, ինչը մարդկության դեմ հանցագործություն է»,- գրել է Մարուքյանը։
Representative of the President of Azerbaijan for Special Assignments Elchin Amirbayov in an interview to the French newspaper Le Monde, frankly confessed that Azerbaijan closed the Lachin Corridor and uses weaponization of hunger as a political tool against people of Nagorno… pic.twitter.com/Ng05BmvW0l
— Edmon Marukyan (@edmarukyan) August 8, 2023
Բաժանորդագրվեք մեր ալիքին Telegram-ում