Միգուցե պետք է դիտարկել ոչ միայն ՌԴ խաղաղապահների, այլ նաև միջազգային ուրիշ ձևաչափեր. ԱԺ նախագահ
16:30, 14 Դեկտեմբեր 2022
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Ազգային ժողովի նախագահ Ալեն Սիմոնյանը անդրադարձավ Լեռնային Ղարաբաղում Ռուսաստանի Դաշնության խաղաղապահ առաքելությանը:
«Անկախ նրանից՝ այս պահին բավարարված ենք, թե ոչ, այնուամենայնիվ, ՌԴ խաղաղապահ ուժերը Լեռնային Ղարաբաղում անհրաժեշտ են և պետք է երկարաձգվի նրանց գործունեության ժամկետը: Միգուցե, պետք է դիտարկենք ոչ միայն Ռուսաստանի Դաշնության խաղաղապահների, այլ նաև միջազգային այլ ձևաչափերը»,- «Արմենպրես»-ի հաղորդմամբ՝ Ազգային ժողովում ասաց Սիմոնյանը:
Բաժանորդագրվեք մեր ալիքին Telegram-ում