Շիրակի մարզում բոլոր ճանապարհները անցանելի են
14:35, 4 Դեկտեմբեր 2022
ԳՅՈՒՄՐԻ, 4 ԴԵԿՏԵՄԲԵՐԻ, ԱՐՄԵՆՊՐԵՍ: Շիրակի մարզի բոլոր ճանապարհները դեկտեմբերի 4-ին, ժամը 14:00-ի դրությամբ անցանելի են: Այս մասին «Արմենպրես»-ին տեղեկացրեց Շիրակի մարզպետարանի Քաղաքաշինության վարչության պետ Խաչատուր Խնձրցյանը՝ նշելով, որ ՀՀ միջպետական, հանրապետական, մարզային նշանակության ավտոմոբիլային ճանապարհները բաց են:
«Ճանապարհների այն հատվածները, որտեղ գիշերը տեղումներ են գրանցվել, առավոտյան մշակվել են: Այս պահին մարզի տարածքում ձյուն չի գալիս: Թեթևակի ձյուն գրանցվել է Աշոցքի և Ամասիայի տարածաշրջաններում»,-նշեց պատասխանատուն՝ վստահեցնելով, որ անհրաժեշտության դեպքում մաքրման աշխատանքներ կիրականացվեն մարզի բոլոր ճանապարհահատվածներում:
Բաժանորդագրվեք մեր ալիքին Telegram-ում