ՀՀ ԱԽ քարտուղարը Ֆրենկ Փալոնին մանրամասներ է ներկայացրել Հայաստանի նկատմամբ Ադրբեջանի ագրեսիայի վերաբերյալ
21:26, 28 Սեպտեմբեր 2022
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Վաշինգտոն աշխատանքային այցի շրջանակներում ՀՀ անվտանգության խորհրդի քարտուղար Արմեն Գրիգորյանը հանդիպել է ԱՄՆ Ներկայացուցիչների պալատի հայկական հանձնախմբի համանախագահ Ֆրենկ Փալոնի հետ:
Ինչպես «Արմենպրես»-ին տեղեկացրին հանդիպմանն ՀՀ ԱԽ քարտուղարը մանրամասներ է ներկայացրել Հայաստանի ինքնիշխան տարածքի նկատմամբ ադրբեջանական զորքերի ձեռնարկած լայնածավալ ագրեսիայի ու դրա հետևանքների վերաբերյալ:
Նշվում է, որ զրուցակիցները նաև քննարկել են հայ-ամերիկյան բարեկամական հարաբերությունների օրակարգին առնչող հարցեր:
Բաժանորդագրվեք մեր ալիքին Telegram-ում