Հայաստանը դպրոցականների համաշխարհային 19 -րդ գիմնազիադային կմասնակցի մեծաթիվ կազմով
14:08, 12 Մայիս 2022
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Ֆրանսիայի Նորմանդիա նահանգի Դովիլ քաղաքում մայիսի 14-22-ը կանցկացվի դպրոցականների համաշխարհային 19 -րդ գիմնազիադան:
«Արմենպրես»-ի հաղորդմամբ` այս մասին հայտնում է ՀԱՕԿ-ը: Մասնակցության հայտ են ներկայացրել 64 երկրներ: Ավելի քան 3 600 մարզիկներ 20 մարզաձևերում (երեքը՝ պարալիմպիկ) կպայքարեն խաղարկվող մեդալների 17 հավաքածուի համար: Հայաստանցի դպրոցականները կներկայացնեն բռնցքամարտ, ազատ և հունահռոմեական ոճերի ըմբշամարտ, ձյուդո, թաեքվոնդո և սեղանի թենիս մարզաձևերի 39 ներկայացուցիչ:
Բաժանորդագրվեք մեր ալիքին Telegram-ում