«Ռոմա»-ն Կոնֆերենցիաների լիգայի եզրափակիչում է
08:43, 6 Մայիս 2022
ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Իտալական «Ռոմա»-ն ֆուտբոլի Կոնֆերենցիաների լիգայի եզրափակիչում է:
«Արմենպրես»-ի հաղորդմամբ` Կոնֆերենցիաների լիգայի կիսաեզրափակիչի պատասխան «Ռոմա»-«Լեսթեր» հանդիպումն ավարտվեց հռոմեական թիմի նվազագույն առավելությամբ` 1:0: «Գայլերի» միակ գնդակը 11-րդ րոպեին խփեց Թեմի Աբրահամը:
Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ռոմա»-ի հայտացուցակում չէր վնասվածքի պատճառով:
«Ռոմա»-ն դուրս եկավ առաջին անգամ անցկացվող Կոնֆերենցիաների լիգայի եզրափակիչ, որտեղ կմրցի «Ֆեյենորդ»-ի հետ: Եզրափակիչը կկայանա մայիսի 25-ին:
Բաժանորդագրվեք մեր ալիքին Telegram-ում