Հայաստանի հրաձգության առաջնության ավարտից հետո թիմը հավաք կունենա Ուկրաինայում
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Հայաստանի հրաձգության հավաքականը վերջնական տեսք կստանի երկրի առաջնության ավարտից հետո և կսկսի նախապատրաստվել այս տարի կայանալիք մրցաշարին:
Այս մասին «Արմենպրես»-ի հետ զրույցում ասաց Հայաստանի հրաձգության հավաքականի գլխավոր մարզիչ Սեյրան Նիկողոսյանը: «Հիմա հավաքականի կազմի ձևավորման վերջին փուլում ենք: Առաջնության ավարտից հետո ընտրանին Ուկրաինայում հավաք կունենա, ինչից հետո էլ մարտին կմասնակցենք Եգիպտոսի և Նորվեգիայի աշխարհի գավաթի խաղարկության փուլերին»,- ասաց Նիկողոսյանը:
Մասնագետն ընդգծեց, որ Հայաստանի առաջնությանը մասնակցում են պատանիներ, որոնցից սպասելիքները մեծ են:
Հայաստանի հրաձգության առաջնությունը կկայանա հունվարի 21-23-ը, որին կմասնակցեն ընդհանուր առմամբ 90 մարզիկ` Երևանից և մարզերի մարզադպրոցներից:
Բաժանորդագրվեք մեր ալիքին Telegram-ում