Ժամանակը Երևանում՝ 11:07:36,   21 Հոկտեմբեր

Մարտունի քաղաքում կազմակերպվեց Արցախի Քաշաթաղի շրջանի պատմամշակութային արժեքների ցուցահանդես

Մարտունի քաղաքում կազմակերպվեց Արցախի Քաշաթաղի շրջանի 
պատմամշակութային արժեքների ցուցահանդես

ԳԱՎԱՌ, 24 ՍԵՊՏԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի Մարտունի քաղաքում՝ Հայաստանի ազգային պատկերասրահի մասնաճյուղում կազմակերպվեց ցուցահանդես, որտեղ ցուցադրվեցին Արցախի Քաշաթաղի շրջանի պատմամշակույթային արժեքները:  

«Արմենպրես»-ի տեղեկացմամբ՝  միջոցառումը կազմակերպել էր Հովհաննես Թումանյանի թանգարանի տնօրինությունը, ցուցահանդեսը անցկացվում է «Յոթ սարի հետևում» հայրենաճանաչողական փառատոնի շրջանակում: Ներկաներին իր խոսքը ասաց թանգարանի տնօրեն Անի Եղիազարյանը: Ցուցանմուշները բարձրորակ լուսանկարների տեսքով տարիների ընթացքում հավաքել էր մեր հայրենակից Զոհրաբ Ըռքոյանը, որը նաև Արցախյան պատերազմի մասնակից է: Միջոցառմանը մասնակցում էին համայնքի տարբեր կազմակերպությունների ներկայացուցիչներ, բարձր դասարանների աշակերտներ, ինչպես նաեւ տեղահանված արցախցիներ, ովքեր բնակվում են Մարտունի համայնքում:

«Ցուցանմուշները մեր պատմամշակութային արժեքների անխոս վկաներն են, որոնք ապացուցում են հայ ազգի հազարամյա պատմությունը եւ նրա ապրելու իրավունքը Արցախի հողի վրա: Կանցնեն ժամանակները, բայց մեր պատմության ու մշակույթի այս վկաներն իրենց ներկայությամբ միշտ կհավաստեն իրենց հայկականության մասին, այն մասին, որ այս հիասքանչ կոթողները կերտվել են հայ մարդկանց ձեռքերով»,-ներկաներին դիմեց Հայաստանի ազգային պատկերասրահի Մարտունու պատկերասրահի տնօրեն Անահիտ Գեւորգյանը։  

Խոսրով Խլղաթյան








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]