Ամենայն Հայոց Կաթողիկոսը նոր նշանակումներ է կատարել
19:19, 4 Օգոստոս 2021
ԷՋՄԻԱԾԻՆ, 4 ՕԳՈՍՏՈՍԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ կատարվել են եկեղեցականների նոր նշանակումներ:
Ինչպես «Արմենպրես»-ը տեղեկացավ Մայր Աթոռի տեղեկատվական համակարգից, Հոգեշնորհ Տ. Մեսրոպ վարդապետ Պարսամյանը, ազատվելով Գևորգյան հոգևոր ճեմարանի տեսչի պաշտոնից, օգոստոսի 15-ից ծառայության է կոչվել ԱՄՆ Արևելյան հայոց թեմում՝ թեմակալ առաջնորդի իշխանության ներքո։
Ըստ աղբյուրի՝ Հոգեշնորհ Տ․ Շահե ծայրագույն վարդապետ Անանյանը օգոստոսի 15-ից նշանակվել է Գևորգյան հոգևոր ճեմարանի տեսուչ։
Բաժանորդագրվեք մեր ալիքին Telegram-ում