ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Հայաստանում մայիսի 16-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 220 860 դեպք, որոնցից 208 454-ն` առողջացման, 4 323-ը` մահվան ելքով: Կորոնավիրուսային հիվանդությունից այս պահին փաստացի բուժում է ստանում 7 023 պացիենտ: Ընդհանուր առմամբ կատարվել 1 036 673 թեստավորում:

«Արմենպրես»-ին ՀՀ առողջապահության նախարարությունից նաև տեղեկացնում են, որ մայիսի 15-ին կատարվել է 3 160 թեստավորում, որով հաստատվել է կորոնավիրուսային հիվանդության 131 նոր դեպք: Գրանցվել է առողջացման 354  և  մահվան 9 դեպք:

Ըստ աղբյուրի՝ նախորդ օրն արձանագրվել է մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 1060 է: