Էստոնիան հայտարարել է ռուսական ԻԼ-96 ինքնաթիռի կողմից երկրի օդային սահմանը խախտելու մասին
18:34, 7 Մայիս 2021
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Էստոնիայի զինված ուժերի գլխավոր շտաբը պնդում է, որ ռուսական ԻԼ-96 ինքնաթիռը խախտել է երկրի օդային սահմանը: Ինչպես տեղեկացնում է «Արմենպրես»-ը, վկայակոչելով ՏԱՍՍ-ը, Էստոնիայի ԳՇ տեղեկությունների համաձայն` մայիսի 7-ին ԻԼ96-ն առանց թույլտվության մտել է Էստոնիայի օդային տարածք Վայնդլոո կղզու շրջանում եւ այնտեղ անցկացրել մոտ մեկ րոպե: Ինքնաթիռի ռադիոհաղորդիչը միացված է եղել , սակայն թռիչքուղին չի նշվել:
Էստոնիայի ԱԳՆ-ն բողոքի նոտա է հղել երկրում Ռուսաստանի դեսպանին:
Բաժանորդագրվեք մեր ալիքին Telegram-ում