Ժամանակը Երևանում՝ 11:07:36,   15 Հունիս

Բուհերի դիմորդ սփյուռքահայերն ու օտարազգիները կարող են մասնակցել միասնական քննություններին

Բուհերի դիմորդ սփյուռքահայերն ու օտարազգիները կարող են մասնակցել միասնական 
քննություններին

ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Այն սփյուռքահայերը, օտարերկրացիները, որոնք ցանկանում են ընդունվել ՀՀ բարձրագույն ուսումնական հաստատություններ, կարող են մասնակցել  միասնական քննություններին, որոնք անցկացվելու են ամռանը:

«Արմենպրես»-ի հաղորդմամբ՝ այս մասին ապրիլի 28-ի մամուլի ասուլիսին հայտնեց ՀՀ ԿԳՄՍ նախարարի տեղակալ Արթուր Մարտիրոսյանը:

Նրա խոսքով՝ գոյություն ունի նաև սփյուռքահայ և օտարերկրացի դիմորդների համար գործող առանձին կարգ, որում կա 70 անվճար տեղ ազգությամբ հայ դիմորդների համար: «Գործում է նաև վճարովի առկա և հեռակա ուսուցման առանձին կարգը, որի ընթացակարգն ապահովում ենք, բայց գիտելիքի ստուգումն իրականացնում են ուսումնական հաստատությունները»,- նշեց փոխնախարարը:

Նախարարի տեղակալն ընդգծեց, որ, չնայած համավարակին, նախորդ տարի դիմորդների քանակի մեծ անկում չի եղել: Մարտիրոսյանը հույս հայտնեց, որ 2021-ին համավարակը կնահանջի, և դիմորդների թիվը կմեծանա:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ